လူဆိုတာ အကောင်းဆုံးလုပ်ပြီးရင် ကိုယ်လုပ်ပေးသလိုတော့ပြန်လိုချင်ကြတာ သဘာဝပါ။
ကျွန်မအလွန်သဘောကျပြီး clients တွေကိုလည်း ခဏခဏပြောလေ့ရှိတဲ့ distinction လေးပဲဖြစ်ပါတယ်။
တစ်ခုခုကိုလုပ်တော့မယ်ဆိုရင် တော်ရိလျော်ရိမလုပ်ဘဲ ငါတတ်နိုင်သမျှအကောင်းဆုံးလုပ်မယ်၊ ရှိသမျှ စွမ်းအင်၊ လုပ်နိုင်စွမ်းတွေ အကုန်ထုတ်သုံးမယ်ဆိုတဲ့ စိတ်ဓာတ်မျိုးရှိရပါတယ်။ Relationships မှာပဲဖြစ်ဖြစ်၊ စီးပွားရေးမှာဖြစ်ဖြစ် Committed မဖြစ်တဲ့သူ၊ အဆင်ပြေသလိုပေါ့ဆိုတဲ့လူတွေကို ယုံကြည်ဖို့ခဲယဉ်းပါတယ်။
Commitment ရှိရှိနဲ့ လုပ်နိုင်တာအားလုံးလုပ်ပြီးပြီဆိုရင် တဖက်ကပြန်လာမဲ့ရလဒ်ကို attached မဖြစ်ရပါဘူးတဲ့။ တော်တော်လေးတော့ ခက်တဲ့ကိစ္စပါ။
သားသမီးကို အကောင်းဆုံးလုပ်ပေးရင် အနည်းဆုံးတော့ အသိအမှတ်ပြုတာလေး ပြန်လိုချင်မယ်။
အလုပ်ကို သေချာလေး အကောင်းဆုံးကြိုးစားလုပ်ထားရင် အလုပ်ရှင်ဆီက သို့မဟုတ် လုပ်ဖေါ်ကိုင်ဖက်၊ customer တွေဆီက သတိထားမိတာလေး လိုချင်မယ်။
ပွဲတစ်ပွဲကို အကောင်းဆုံးစီစဉ်ထားရင် တက်ရောက်သူတွေဆီက positive feedback လိုချင်မယ်။
ကိုယ့်ချစ်သူခင်သူအပေါ် အကောင်းဆုံး အချိန်ပေး၊ မေတ္တာပေးထားရင် ကိုယ်ပေးသလိုပဲ ပြန်လိုချင်မယ်။
ဒါ သဘာဝပါပဲ။
သို့သော် အလွန်အကျွံမျှော်လင့်ထားမိရင် ကိုယ့်ရဲ့စိတ်ပျော်ရွှင်ကျေနပ်မှုကို တခြားလူအပေါ်ပုံအပ်ထားလိုက်မိသလို ဖြစ်တတ်ပါတယ်။ ရလဒ်အပေါ် attachment တအားများသွားရင် ကိုယ့်ရဲ့မူလရည်ရွယ်ချက်ပျောက်သွားတတ်ပါတယ်။
ကိုယ်ဘယ်လောက်ပေးပေး ပြန်မရတာမျိုး၊ တဖက်ကသတိမထားမိတာမျိုး၊ negative ပဲ မြင်ကြတာမျိုးကြုံတဲ့အခါ တော်ပါပြီကွာ လုပ်လည်းအလကားပါပဲ၊ ပေးလည်းအလကားပါပဲ၊ ကြိုးစားလည်းအလကားပါပဲ ဆိုတာမျိုးဖြစ်သွားတတ်ပါတယ်။
ပြန်စဉ်းစားစေချင်တာက ကိုယ်ပေးတဲ့ commitment သည် ကိုယ့်ရဲ့ values ကြောင့်၊ ကိုယ်တန်ဖိုးထားတဲ့အရာဖြစ်လို့၊ ကိုယ်အကောင်းဆုံးလုပ်ချင်တာမို့လို့၊ professional ကျအောင်လုပ်ချင်တာမို့လို့ အဲလိုပဲဖြစ်သင့်ပါတယ်။ သူများရဲ့အသိအမှတ်ပြုမှုကို မရမနေလိုချင်တာကြောင့် commit လုပ်ပြတာ မဖြစ်စေချင်ပါဘူး။
ဘယ်အရာမဆို အကောင်းဆုံး committed ဖြစ်ပါ။ သို့သော် results ကို attached မဖြစ်မှသာ ဘယ်လိုအခြေအနေမျိုးလာလာ ပြိုလဲမသွားဘဲ တစ်ခုပြီးတစ်ခု create လုပ်နိုင်မှာဖြစ်ပါတယ်။